Bayden yarışı davam etdirəcək?

ABŞ-da noyabrda keçiriləcək prezident seçkiləri üçün geri sayım davam edərkən, keçmiş ABŞ prezidenti Donald Trampla keçən həftə televiziya debatında uğursuz çıxış edən hazırkı prezident Co Baydenin səhhəti və onun səhhəti ilə bağlı sual işarələri günü-gündən artır. 

News24.az “New York Times”a istinadən xəbər verir ki, Bayden yaxın adamlarına deyib ki, əgər seçiciləri bu işə uyğun olduğuna inandıra bilməsə, namizədliyini xilas edə bilməyəcəyindən xəbərdardır.

Xəbərdə Baydenin iki şəxsə yenidən seçilmək üçün mübarizəyə hələ də dərindən bağlı olduğunu söylədiyi, lakin namizədliyinin təhlükədə olduğunun fərqində olduğunu vurğuladığı qeyd edilib.

Ağ Ev və Baydenin kampaniya komandası xəbəri təkzib edərkən, Bayden vitse-prezident Kamala Harrislə telefon danışığında "Mən sona qədər bu yarışdayam və biz qalib gələcəyik, çünki demokratlar birləşəndə biz həmişə qalib gəlirik" deyib.

Çərşənbə günü Ağ Evdə onun yerinə namizəd olacağı şayiələri yayılan Demokrat liderlərlə böhranlı görüş keçirən Bayden, "Mən qalib gəlmək üçün buradayam" və "Heç kim məni namizədlikdən kənarlaşdıra bilməz" deyib.

Bununla belə, Baydenin Demokratik partiya rəsmilərini, donorları və seçiciləri razı salması üçün vaxt darıxır. Yüksək səviyyəli partiya rəsmisi bildirib ki, onlarla Demokrat millət vəkili Baydenin yarışdan çıxmasını tələb edən məktubu imzalamağı düşünür.

Günel Məlikzadə