Şahzadə Harriyə "mübahisəli" mükafat

Şahzadə Harri ESPY Mükafatları çərçivəsində verilən nüfuzlu "Pat Tillman" mükafatını qazanıb. 

News24.az xəbər verir ki, Britaniya ordusunda 10 il xidmət etmiş Susseks hersoqu 2014-cü ildə təsis etdiyi Invictus Oyunları vasitəsilə veteranlar cəmiyyətinə verdiyi mühüm töhfələrə görə mükafatlandırılıb.

Həyat yoldaşı Meghan Markle bu böyük gecədə Şahzadəni tək qoymayıb.

Şahzadə Harri çıxışında dedi:

"Həqiqət budur ki, mən burada Pat Tillman mükafatı laureatı Şahzadə Harri kimi deyil, 20-dən çox ölkədən minlərlə veteran və xidmət personalı adından təşkil edilən Invictus Games Fondunun səsi kimi dayanıram."

Onu da qeyd edək ki, ESPN-in məlumatına görə, bu mükafat “idmanla güclü əlaqəsi olan və irsini əks etdirən şəkildə başqalarına xidmət etmiş şəxsə verilir”.

Günel Məlikzadə