Bir gecədə zəngin oldu

14 uşaq babası və dörd uşaq atası olan braziliyalı Antonio Pereyra ötən ilin iyununda bir gecə yatmağa gedəndə sərvətinin nə qədər dəyişəcəyini bilmirdi. Ancaq səhəri gün bir səhv ucbatından milyonçu olaraq oyanıb.

News24.az xəbər verir ki, Braziliyada mətbuata açıqlama verən kişi "O qədər sıfırlar çıxdı ki, qorxdum... Həyatımda belə pul görməmişdim" deyib.

Milyonlarla dollar birdən ortaya çıxsaydı, yaxşı olardı. Amma gözlənilməz maliyyə qazancı əslində başqa bank hesabına getməli olan səhv köçürmə nəticəsində yaranıb.

"Mən evə gedib həyat yoldaşıma dedim ki, "zəngin olduq". Amma arvadım dərhal "gəl onu geri verək" dedi", - Pereyra deyib.

Daha sonra avtobus sürücüsü 25 il müştərisi olduğu banka gedib pulu qaytarıb.

Günel Məlikzadə