Nigar meyxanaçıları QINADI

“Bu gün sənəti bu hala salmağın günahkarları elə meyxana ifaçılarıdır”.

News24.az Yenicag.az-a istinadla xəbər verir ki, bu sözləri müğənni Əməkdar artist Nigar Şabanova “Günaydın Azərbaycan” verilişində deyib.

O, bayağı ifaçılarla duet oxuduqlarına görə meyxanaçıları qınayıb və onlara irad bildirib:

“Həmişə tar, kamanla oxuyurdum, toyda oxuduğumu heç kim bilmirdi. O zaman verilişlərin birində meyxana ifaçısı Pərviz Bülbülə ilə ekspromt bir duet yarandı. Heç o vaxta qədər onunla tanışlığım yox idi, onu ilk dəfə həmin verilişdə görürdüm. Amma 2016-cı ildən bu yana toy yiyələri hələ də məndən o mahnını istəyir. Meyxana ifaçıları sözlərinin sanbalında sənəti olan müğənnilərlə duet oxusaydılar, sənət gəlib bu yerə çıxmazdı. Bu gün sənətin bu hala salınmasının günahkarları elə meyxana ifaçılarıdır. Söz, musiqi vəhdət təşkil etməlidir. Eləsəydi, bu gün sənət belə cılız hala gəlməzdi”.