Qadına hədə-qorxu gəlib...

Yasamal Rayon Polis İdarəsinə müraciət edən Ağdam rayon sakini olan qadın 2 nəfərin ona hədə-qorxu gəlib 25.000 manat pul verməsini tələb etmələrini bildirib.

DİN-in mətbuat xidmətindən News24.az-a verilən məlumata görə, müraciətlə əlaqədar Yasamal Rayon Polis İdarəsi əməkdaşlarının keçirdikləri əməliyyat tədbiri nəticəsində həmin şəxslər M.Həsənov küçəsində qadından pulu alarkən cinayət başında yaxalanıblar. 

Araşdırmalarla onların R.Aslanov və N.Baxşəlıyev olduqları müəyyən edilib. 

Faktla bağlı Yasamal RPİ-də Cinayət Məcəlləsinin 182-ci  (hədə-qorxu ilə tələb etmə) maddəsi ilə cinayət işi başlanıb. 

Hazırda faktla bağlı araşdırma aparılır.