Argentina Mərakeşi FİFA-ya şikayət etdi

Argentina Futbol Federasiyası (AFA) 2024-cü il Olimpiya turnirinin qrup mərhələsinin 1-ci turunun Mərakeşə qarşı qalmaqalla başa çatan oyunundan sonra Beynəlxalq Futbol Federasiyasının (FİFA) intizam komissiyasına şikayət göndərib. 

News24.az xəbər verir ki, bu barədə AFA-nın mətbuat xidmətindən məlumat verilib.

Argentinalılar oyun zamanı meydançaya qaçaraq rəqib komandanın futbolçularına fişənglər atan Mərakeş millisinin azarkeşlərindən şikayətləniblər.

AFA 2024-cü il Olimpiadasında iştirakçılar üçün müvafiq səviyyədə mühafizənin təşkil edilməsini və oxşar hadisələrin bir daha baş verməsinin qarşısının alınmasını tələb edib.

Qeyd edək ki, görüş 2:1 hesabı ilə başa çatıb. Birinci hissənin əlavə vaxtında Afrika yığmasının heyətində Süfyan Rəhimi fərqlənib. Oyunun 51-ci dəqiqəsində futbolçu penalti zərbəsini uğurla yerinə yetirib. Cənubi amerikalıların cavab qolunu 68-ci dəqiqədə Culiano Simeone vurub.

Məryəm İlhamqızı