Evi qarışqalardan BELƏ TƏMİZLƏYİN

Yay aylarında havalar isindikcə qarışqaların qış yemləmə dövrü gəlib çatır. Bu zəhmətkeş canlılar öz həyatlarını davam etdirmək üçün qida axtardıqda heç bir problem yoxdur, lakin problem bu qidanı evimizdən əldə etmək istədikdə başlayır.

Evlərimizdə yemək tapan kimi sayları artmağa başlayır və birdən evin hər tərəfi qarışqalarla əhatələnir. Bu vəziyyətin qarşısını almaq və qarışqaları zərər vermədən dəf etmək üçün təbii üsullardan istifadə edə bilərsiniz.

News24.az qarışqaları təbii üsullarla evdən dəf etməyin hiyləsini təqdim edir:

Toz qəhvə: Evlərə girən qarışqalardan xilas olmaq üçün türk qəhvəsinin toz halından kömək ala bilərsiniz. Qəhvənin sıx qoxusu qarışqaların izlərini örtür və onların yemək üçün evinizə gəlməsinin qarşısını alır. Yaydığı qoxu onları qaçmağa məcbur edir.

Nanə yağı: Nanə yağı qoxunun qarşısını alan başqa bir üsuldur. Uçucu formada kəskin nanə qoxusu olan nanə yağını qarışqaların evinizə girdiyi nöqtələrə töksəniz, qaçmağa başlayacaqlar.

Alma sirkəsi: Qarışqaları evdən dəf etmək üçün başqa bir hiylə də alma sirkəsidir. Bir sprey şüşəsində bərabər hissələrdə alma sirkəsi və suyu qarışdırın. Sonra qarışığı qarışqalara doğru çiləyin. Qarışqaların tez evinizi tərk etdiyini görəcəksiniz.

Portağal qabığı: Təzə qoxusu ilə portağal qabığı da qarışqaları evdən uzaqlaşdıran bir üsuldur. Qarışqaları dəf etmək üçün portağal qabıqlarını qarışqaların girişlərinə kiçik parçalara ayırsanız, qabığından çıxan zəhərli maddələr qarışqaların qaçmasına imkan verəcək.

Darçın və mixək: Darçın və mixək qarışığı, tərkibindəki maddələr sayəsində qarışqaları dəf etməyə kömək edir. Qarışqaları dəf etmək üçün evin müəyyən nöqtələrində içərisində darçın çubuqları və mixəklər olan paketlər qoya bilərsiniz.

Qabartma tozu: Qabartma tozu da qarışqaları evlərdən dəf etmək üçün hiylə kimi tanınan tozlar arasındadır. Qarışqaların evinizə girdiyi yerlərə bunu tökməklə onların qaçmasının qarşısını ala bilərsiniz.

Məryəm İlhamqızı