Alimlər Ayda nadir Yer növləri üçün DNT saxlama anbarı tikməyi təklif ediblər

Beynəlxalq alimlər qrupu Ayda nəsli kəsilməkdə olan quru bitki və heyvan növlərinin nümunələrinin yerləşdiriləcəyi biorepozitoriyanın - DNT və hüceyrə anbarının yaradılmasını təklif edib. Təşəbbüs müəlliflərinin fikrincə, bu, planetimizin ən həssas orqanizmlərini müxtəlif fəlakətlərdən xilas etməyə kömək edəcək. Tədqiqat BioScience elmi jurnalında dərc olunub.

Komandanın təsvir etdiyi Ay anbarı iqlim dəyişikliyi, geosiyasi hadisələr və digər fəlakətlərin imkanlarından kənarda olacaq. Mütəxəssislərin fikrincə, Ayın təbii soyuq mühiti nümunələri enerji sərf etmədən bütün il boyu dondurulmuş vəziyyətdə saxlamağa imkan verəcək.

Tədqiqatçılar biorepozitoriyanı temperaturun -196°C ətrafında qaldığı qütb bölgələrinin yaxınlığında, günəş işığından uzaq, dərin kraterlərdə yerləşdirməyi təklif ediblər./patrul.az