Makron Ermənistana gəlir - Bu tarixdə...

Fransa prezidenti Emmanuel Makronun Ermənistana səfəri gözlənilir.

News24.az Modern.az-a istinadən xəbər verir ki, bu barədə Ermənistanın "Joğovurd" qəzeti Fransadakı erməni icmasından olan mənbələrə istinadən bildirib.

Məlumata görə, səfər sentyabrın 21-də, Ermənistanın Müstəqillik Günündə baş tutacaq.

Qəzetin yazdığına görə, bu günlərdə onun səfərinin təfərrüatları müzakirə olunur.

Qeyd edək ki, fevralın 21-də Ermənistanın baş naziri Nikol Paşinyan Makronu Şarl Aznavurun 100 illiyinə həsr olunmuş qala-konsertdə iştirak etmək üçün 2024-cü ilin sentyabrında Ermənistana dövlət səfərinə dəvət edib.

Rəsmi Paris səfərlə bağlı açıqlama verməyib.