1,3 milyon BMW avtomobilində təhlükəli nasazlıq aşkarlandı

BMW təhlükəsizlik yastıqlarına görə Çində 1,3 milyondan çox BMW avtomobilini geri çağıracaq.

News24.az publika.az-a istinadən xəbər verir ki, bu barədə "TASS" Çin Xalq Respublikasının Bazarın Tənzimlənməsi üzrə Dövlət Administrasiyasına istinadən məlumat yayıb.

Məlumata görə, geri çağırılma 2003-cü ildən 2018-ci ilə qədər istehsal olunmuş avtomobillərə şamil ediləcək. Söhbət X1, X3, X4, X5 və X6 krossoverlərindən gedir.

Avtomobil istehsalçısı təhlükəsizlik yastıqlarını yoxlayacaq və nasaz olduqda onları pulsuz əvəz edəcək.