![İsrail onu hər yerdə axtarır: HƏMAS-ın yeni lideri Sinvar haradadır?](/uploads/posts/2024-08/xqz19jecduibtwtqb_n86q.webp)
-
- 26-08-2024, 17:40
- 336
İsrail onu hər yerdə axtarır: HƏMAS-ın yeni lideri Sinvar haradadır?
Amerikanın “New York Times” qəzetinin xəbərinə görə, ABŞ və İsrail müharibənin başladığı 7 oktyabrdan bəri Yəhya Sinvarın tapılması üçün intensiv iş aparır.
News24.az NTV-yə istinadən xəbər verir ki, hakimiyyət ABŞ və İsrailin Sinvarı ələ keçirmək üçün “ciddi resurslar ayırdığını” iddia edir.
Sinvarın yerini müəyyən etmək üçün İsrailin daxili kəşfiyyat xidməti olan Şin Betin qərargahında xüsusi bölmə yaradılıb. ABŞ kəşfiyyatı Sinvarın əlaqə kanallarını yaxından izləyib.
MKİ-nin də İsrail Müdafiə Qüvvələri (IDF) ilə sıx əməkdaşlıq etdiyi iddia edilir.
Digər tərəfdən, bir mənbə ABŞ və İsrail arasında kəşfiyyat məlumat mübadiləsini "çox qeyri-mütənasib" olaraq xarakterizə edir.
Bu prosesdə İsrailin daha üstünlüyə malik olduğu və Vaşinqtonla eyni dərəcədə məlumat paylaşmadığı iddia edilir.
Rəsmilərin məlumatına görə, İsrail qüvvələri Sinvarın orada gizləndiyinə dair kəşfiyyat məlumatlarından sonra yanvarın 31-də Qəzza zolağının cənubunda tunel şəbəkəsinə basqın edib. Qeyd edək ki, Sinvar həqiqətən də bu zaman basqın edilən tunellərdə gizlənirdi.
Lakin bir neçə gün əvvəl Xan Yunis şəhərinin altındakı sığınacaqdan çıxıb və geridə təxminən 1 milyon dollar dəyərində sənədlər və İsrail şekelləri qoyub.
Sinvar İsraildə planlaşdırdığı və təşkil etdiyi ölümcül 7 Oktyabr hücumlarından bəri bir ruha bənzəyir. O, heç vaxt ictimaiyyətə görünmür, izləyicilərinə nadir hallarda mesaj göndərir və harada ola biləcəyinə dair bir neçə ipucu verir.
Amerika və İsrail rəsmiləri bildiriblər ki, Sinvar çoxdan elektron rabitədən imtina edib və mürəkkəb kəşfiyyat şəbəkəsindən yayınıb. Sinvarın insan kuryerlər şəbəkəsi vasitəsilə Həmas ilə əlaqə saxladığı güman edilir. Bu sistemin necə işlədiyi sirr olaraq qalır.
Bildirək ki, Amerikalı rəsmilər Sinvarın ələ keçirilməsinin İsrailin baş naziri Binyamin Netanyahu üçün böyük qələbə olacağını və Qəzza müharibəsinin qısa zamanda bitməsini təmin edəcəyini iddia edirlər.
Lakin Sinvarın öldürülməsi tamamilə əks nəticə verə bilər və atəşkəs danışıqları bitə bilər.
NYT-yə müsahibə verən İsrail, ABŞ, Misir və Qətər rəsmiləri Sinvarla ünsiyyətin çətinləşdiyini bildiriblər.
Mənbələrin bildirdiyinə görə, mesajlara normal olaraq bir neçə gün ərzində cavab verən Sinvar son vaxtlar bu müddəti daha uzun saxlayır.
Günel Məlikzadə