Hansı idman əlavəsi yuxu keyfiyyətini yaxşılaşdırır?

Kreatinin əlavə edilməsi yavaş dalğalı (dərin) yuxu ehtiyacını azalda və bədənin bərpasını yaxşılaşdıra bilər. Bundan əlavə, kreatin stressi və zehni yorğunluğu azaldaraq gecə istirahətinizin keyfiyyətini dolayı yolla yaxşılaşdıra bilər. 

News24.az Qaynarinfo-ya istinadla xəbər verir ki, bu barədə "HealthNews"a britaniyalı dietoloq Mariya Lüsi məlumat verib.

Kreatin onurğalılarda olan azot tərkibli karboksilik turşudur. Bədənə hüceyrələr üçün əsas enerji mənbəyi olan adenozin trifosfatı (ATP) bərpa etməyə kömək edir. Buna əsaslanan əlavələr ən çox idmançılarda və yaşlı insanlarda fiziki fəaliyyətin effektivliyini artırmaq və əzələ kütləsini artırmaq üçün istifadə olunur.

Kreatin qəbul edən bəzi insanlar yuxu keyfiyyətinin yaxşılaşdığını bildirir. Dietoloq Lüsinin sözlərinə görə, kreatin bu göstəriciyə birbaşa təsir etmir. Bununla belə, bu əlavə orqanizmin yavaş yuxuya ehtiyacını azalda bilər, enerji ehtiyatlarının bərpasını sürətləndirə bilər.

Həkim onu da qeyd edib ki, kreatin normal koqnitiv funksiyanı dəstəkləməklə yanaşı, bəzən yuxuya getməyi çətinləşdirən stress və zehni yorğunluğu aradan qaldıra bilir.