“Qalatasaray”ın yeni kapitanı məlum oldu - FOTO

Kərəm Aktürkoğlunun Portuqaliya klubu “Benfika”ya transferindən sonra, “Qalatasaray”ın yeni kapitanının adı məlum olub. İstanbul nəhəginin kapitanlıq sarğısını komandanın təcrübəli müdafiəçisi Kaan Ayhan daşıyacaq. 

News24.az Yenisabah.az-a istinadən xəbər verir ki, Kaan Ayhan “Qalatasaray”ın heyətində ən çox meydana çıxan oyunçulardan biridir. Futbolçu klubla 59 oyuna çıxıb və 2 qolla yadda qalıb. 

Qeyd edək ki, Kərəm Aktürkoğlu superkubok finalında “Beşiktaş”a qarşı alınan biabırçı məğlubiyyətdən sonra kapitanlıqdan uzaqlaşdırılmışdı. Futbolçu buna cavab olaraq, klubdan ayrılıb.