Bu adam qəribə məqsədlə gündə cəmi 30 dəqiqə yatır

Yaponiyadan olan 40 yaşlı Daisuke Hori qeyri-adi yuxu rejimi ilə ictimaiyyəti təəccübləndirib. O, 12 ildir ki, gündə cəmi 30 dəqiqə yatır və bunun ona məhsuldarlığını iki dəfə artırmağa və həyat keyfiyyətini yaxşılaşdırmağa imkan verdiyini iddia edir.

News24.az Lent.az-a istinadən xəbər verir ki, Hori yorğunluq hiss etmədən çox az yatmaqla işləməyi öyrənib.

Adam uğurlu sahibkardır. Musiqidən, rəsmdən və mexaniki dizayndan həzz alır. O, 12 il əvvəl yuxusunu azaltmağa başlayıb ki, sevdiyi şeylərlə məşğul olmağa daha çox vaxt tapsın. Bu gün onun gündəlik yuxusu cəmi 30-45 dəqiqə davam edir və Hori bunun performansını əhəmiyyətli dərəcədə yaxşılaşdırdığını deyir.

2016-cı ildə Hori Yaponiya Qısa Yuxu Təlimçiləri Assosiasiyasını qurub və burada insanlara yuxu keyfiyyətini yaxşılaşdırmağın yollarını öyrədir. O hesab edir ki, işdə daimi konsentrasiyaya ehtiyacı olanlar qısa, lakin keyfiyyətli yuxudan daha çox faydalanır. Tələbələri arasında həkimlər və yanğınsöndürənlər var ki, onların dediyinə görə, qısa müddət ərzində yatmaqla belə yüksək effektivliyi qoruyur.

Yapon telekanalı "Yomiuri TV" bu yaxınlarda realiti şousu üçün Horini üç gün müşahidə edib. Bu müddət ərzində kişi bədəninin belə həyat tərzinə necə uyğunlaşdığını nümayiş etdirib: bir gün o, tam ayıq və aktiv günə hazır olaraq cəmi 26 dəqiqə yatıb.

Horinin bu addımı sosial mediada geniş müzakirələrə səbəb olub. Bir çox istifadəçi onun vaxt idarə etmə qabiliyyətinə heyran olduğunu, digərlərinin isə belə bir rejimin təhlükəsizliyinə şübhə ilə yanaşdığını bildirib. Həkimlər xəbərdarlıq edirlər ki, ultra qısa yuxular hər kəs üçün uyğun olmaya və ciddi yan təsirləri ola bilər. Huazhong Universiteti Xəstəxanasından nevroloq Quo Feinin sözlərinə görə, xroniki yuxu çatışmazlığı yaddaşın pozulmasına, immunitetin zəifləməsinə və ürək-damar xəstəlikləri riskinin artmasına səbəb ola bilər.

Buna baxmayaraq, Hori öz rejiminə sadiq qalmağa davam edir və bunun vaxtını səmərəli idarə etməsinə və həyatda uğur qazanmasına kömək etdiyini iddia edir.