Bu şəxslər dollarla kredit götürə bilməyəcək - YENİ QƏRAR

Gürcüstan Milli Bankı 500 min lariyə qədər milli valyutada gəliri olanların xarici valyutada kredit götürməsini məhdudlaşdırıb.

News24.az xəbər verir ki, bu barədə Maliyyə Sabitliyi Komitəsi bu gün qərar qəbul edib.

Milli Bankdan verilən məlumata görə, bu dəyişiklik bank kreditlərinin dollarlaşmasını azaltmağa yönəlib.

"Yüksək maliyyə dollarizasiyası səviyyəsindən qaynaqlanan struktur risklərin azaldılması məqsədilə Milli Bank yenə də fəal şəkildə işləməyə davam edir. Milli Bankın həyata keçirdiyi tədbirlər nəticəsində dollarizasiyanın səviyyəsi əhəmiyyətli dərəcədə azaldı. Lakin sonuncu və buna bağlı struktur risklər maliyyə sektoru üçün əsas çağırışlardan biri olaraq qalır. Bəyan edilmiş siyasətə uyğun olaraq, Milli Bank, sənaye ilə koordinasiya edərək, makroiqtisadi mühit və riskləri nəzərə alaraq, dedolarizasiyanın uzunmüddətli planının icrasını davam etdirir. Maliyyə Sabitliyi Komitəsinin qərarı ilə, hedj edilməmiş xarici valyuta kreditlərinin həddi 400,000-lə 500,000 lari arasında artırılıb. Dəyişiklik 2025-ci il yanvarın 1-dən qüvvəyə minəcək. Qeyd etmək lazımdır ki, Milli Bank həmçinin depozitlərin dollarizasiyasının dinamikasını aktiv şəkildə izləyir, hansı ki, oktyabrda mövcud olan qeyri-müəyyənlik fonunda artıb və maliyyə sistemində artıq xarici valyuta likvidliyinin yığılmasına səbəb olub. Artıq likvidliyin kreditlərdə dollarizasiyaya çevrilməməsi üçün, Monetar Siyasət Komitəsi xarici valyuta öhdəlikləri üzrə rezerv nisbətinin yuxarı həddini 5 faiz bəndi artırıb" - məlumatda deyilir.//aktual.ge