Nazir onu rəis vəzifəsinə təsdiqlədi

Ədliyyə naziri Fərid Əhmədov Nazirliyin Bələdiyyələrlə İş Baş İdarəsinə rəis təyin edib. 

News24.az Modern.az-a istinadla bildirir ki, bu vəzifəyə rəis vəzifəsini müvəqqəti icra edən Elmin Ağamusa oğlu Həsənov gətirilib. 

O, daha əvvəl sözügedən baş idarəsinin rəis müavini vəzifəsində çalışıb. Müvafiq təyinat artıq Ədliyyə Nazirliyinin rəsmi portalında yer alıb.  vakansiya

Qeyd edək ki, bu ilin iyun ayında Ədliyyə Nazirliyində struktur dəyişikliyi həyata keçirilib. Dəyişikliyə əsasən, Bələdiyyələrlə İş Mərkəzi ləğv edilərək, yerində Bələdiyyələrlə İş Baş İdarəsi yaradılıb. Mərkəzin rəhbəri Rəhman Məmmədov vəzifədən azad edilərək Ədliyyə Nazirliyinin sərəncamına götürülüb. Bələdiyyələrlə İş Baş İdarəsinin rəis əvəzi vəzifəsi isə Elmin Həsənova həvalə edilib. 

Təyinat barədə ilk xəbəri "qaynarinfo" yayıb.