Ağır qəza: Yaralılar var

İstanbulda səhər saatlarında Söğütlüçeşme istiqamətində hərəkət edən metrobus Avcılardakı Böyükşəhər Bələdiyyəsinin İctimai Təsisatlar dayanacağında eyni istiqamətdə hərəkət edən başqa bir metrobusa arxadan çırpılıb.

News24.az NTV-yə istinadən xəbər verir ki, zərbənin təsirindən qəzaya səbəb olan metrobusdakı iki sərnişin yaralanıb. 

Qəza səbəbiylə nəqliyyat vasitəsinə ciddi ziyan dəyib. 

Hadisə yerinə polis və tibb qrupları göndərilib. 

Yaralı sərnişinlər sağlamlıq qruplarının ilk yardımından sonra xəstəxanaya aparılarılıb. Onların vəziyyətlərinin yaxşı olduğu bildirilib.

Teymur Məmmədov