Bu üsulla gülləriniz SOLMAYACAQ

Qapalı şəraitdə saxlanılan bitkilər düzgün işığa və suvarmaya məruz qalmadıqda qısa müddətdə solmağa başlaya bilər. 

News24.az xəbər verir ki, daimi işıq nəzarəti və ya suvarma imkanınız olmadıqda və ya lazımi qayğıya baxmayaraq çiçəkləriniz solmağa başlayanda, təbii üsullardan kömək ala bilərsiniz.

Güllərin solması və sarıya çevrilməsinin qarşısını alan bu təbii üsul gənəgərçək yağının möcüzəsi ilə gəlir.

Gənəgərçək yağından istifadə kökləri gücləndirir və yarpaqları canlı saxlayır. Bu təbii üsuldan faydalanmaq üçün etməli olduğunuz şey olduqca sadədir. 1,5 litr suya 1 çay qaşığı gənəgərçək yağı əlavə edin. Sonra şüşənin qapağını bağlayın və yaxşı silkələyin. Yaranan qarışığı bitkilərə tətbiq edə bilərsiniz.

Qeyd edək ki, gənəgərçək yağı və su qarışığı hazırlayarkən diqqətli olmaq lazımdır. Yağ və su düzgün qarışmırsa, bu çiçəklərinizə zərər verə bilər. Buna görə də, tamamilə qarışana qədər silkələmək lazımdır.

Əldə etdiyiniz qarışığı ayda bir dəfə bitkilərə tətbiq edə bilərsiniz. Ayda bir dəfə tətbiq edildikdə, bu qarışıq bitkilərinizin davamlı çiçəklənməsinə və təzə qalmasına kömək edəcəkdir.

Məryəm İlhamqızı