Daha bir məhbus azot qazı ilə edam edildi

ABŞ-ın Alabama ştatında 59 yaşlı Alan Eugene Miller xərəyə bağlanaraq üzünə taxılan maska vasitəsilə azot qazı verilərək edam edilib.

News24.az xəbər verir ki, azot qazı ilə edam üsulunun şahidi olmağa icazə verilən bir müxbirin sözlərinə görə, Miller təxminən iki dəqiqə titrəməyə və qıcolmağa davam edib. Miller də ölməzdən əvvəl təxminən altı dəqiqə nəfəs almaqda çətinlik çəkib.

Son ana qədər günahsız olduğunu iddia edən Miller son sözlərini üzünü bağlayan maskanın arxasından deyib: “Mən burada olmaq üçün heç nə etməmişəm”.

Qeyd edək ki, Alabama ştatında ikinci dəfə istifadə edilən bu edam üsulunda məhbus bədənindəki bütün oksigen tükənənə qədər azot qazı ilə nəfəs almağa məcbur edilir.

Mütəxəssislər sözügedən üsulu "qəddar, ağrılı və işgəncəli" adlandırsalar da, Birləşmiş Millətlər Təşkilatı bu edam formasını "dövlət tərəfindən icazə verilən işgəncədən başqa bir şey" kimi təyin edir.

Miller 1999-cu ildə üç nəfəri öldürdüyü üçün 2000-ci ildə ölüm cəzasına məhkum edilib.

Eyni zamanda, yanvarın 25-də Alabama ştatında daha bir məhbus ilk dəfə eyni üsulla edam edilib.

Alabama ABŞ-da ölüm cəzası üçün azot hipoksiyasından istifadə edən yeganə ştatdır. Luiziana, Oklahoma və Missisipi ştatlarında da azot qazı ilə edam üsuluna icazə verilib, lakin hələ də edamlarda bundan istifadə edilməyib.

Günel Məlikzadə