Əfsanəvi dizayner dünyasını dəyişdi

Avtomobil nəhəngi “Mercedes-Benz”in məşhur modellərinin əfsanəvi dizayneri Bruno Sakko 90 yaşında dünyasını dəyişib.

News24.az publika.az-a istinadən xəbər verir ki, 41 illik karyerası boyunca Sakko markanın ən məşhur avtomobillərinin dizaynında böyük rol oynayıb.

O, 1958-ci ildə ikinci stilist kimi “Mercedes-Benz”ə qoşulub və tezliklə məşhurlaşıb.

İlk illərində o, “Mercedes 600” (W100) və “230 SL” (W113) kimi modellərin dizaynında iştirak edib. Sakkonun ən məşhur layihələrinə “S-Class W126” və “G-Class” daxildir.

O, 1999-cu ildə təqaüdə çıxdıqdan sonra da brendə olan sevgisini qoruyub. Onun ən son dizaynlarına “W220 S-Class” və “C215 CL-Series” daxildir.

Bruno Sakko bundan sonra da “Mercedes-Benz” tarixində iz qoyan dizayner kimi yadda qalacaq. Onun dizaynları brendin lüks və mühəndislik imicini gücləndirib. O, həyatı boyu yaratdığı əsərlərlə avtomobil dünyasında əbədi iz qoyub.