Dünyanın “qırmızı mirvarisi”: Beyni yaxşılaşdırır, yaddaşı gücləndirir

Xalq arasında "cənnət meyvəsi" olaraq da bilinən nar, özünəməxsus dadı və sağlamlığa faydaları ilə sevərək istehlak edilən bir meyvədir. 

News24.az xəbər verir ki, bir kasa narın tərkibində 93 kalori, 2,30 qram protein, 20,88 qram karbohidrat və 0,14 qram yağ var. 

Dəyişən qan təzyiqi və hipertoniya ilə qarşılaşırsınızsa, nar istehlak edə bilərsiniz. Hipertansiyonlu insanlar üzərində aparılan tədqiqatlar göstərir ki, nar şirəsi sistolik qan təzyiqini aşağı salmağa kömək edə bilər.

Eyni zamanda, nar antibakterial xüsusiyyətləri ilə bədəndəki infeksiya ilə mübarizə aparmağa kömək edir. Hər gün bir kasa nar yemək orqanizmin xəstəliklərə qarşı müdafiəsini yaxşılaşdıraraq sizi formada və güclü saxlayır.

Dörd həftə ərzində müntəzəm olaraq nar şirəsi istehlakının həm vizual, həm də şifahi yaddaşı yaxşılaşdırdığı sübut edilib. O, həmçinin ürək əməliyyatı və Alzheimer xəstəliyindən sonra yaddaş pozğunluğunun müalicəsində vəd edir.

Onu da qeyd edək ki, idmandan əvvəl bir kasa nar yemək əla fikirdir. Tərkibindəki nitrat səbəbiylə nar məşqdən 30 dəqiqə əvvəl istehlak edildikdə əzələlərə qan axını yaxşılaşdıraraq atletik performansı artırır.

Narın tərkibindəki polifenollar kimi komponentlər xüsusilə prostat və ağciyər xərçənginə qarşı antioksidant, iltihab əleyhinə və antikanserogen təsir göstərir və döş xərçənginə qarşı antikimyaterapiya xüsusiyyətlərinə malikdir.

Günel Məlikzadə