Hava limanlarında maraqlı qaydalar: 3 dəqiqədən çox qucaqlaşmaq qadağandır

Hər il hava limanlarından istifadə edənlərin sayı artır. Coronadan əvvəl və sonra bir çox dəyişikliklərin olmağı, hər kəsi çaşqına çevirib. Bəziləri təyyarədə maye qəbul etmir, bəziləri az, bəziləri daha çox qəbul edir.

Bəzi hava limanlarında kəmərlər və noutbuklar çıxarılır, bəzilərində isə 23 kiloqrama qədər əl yükünə icazə verilir.

News24.az xəbər verir ki, sentyabrın 1-dən etibarən Avropada və müxtəlif ölkələrdə fərqli təcrübələr başlayıb. 

Məsələn, Yeni Zelandiyanın Dunedin hava limanında vidalaşan və ya görüşən insanların qucaqlaşması məhdudlaşdırılıb. 3 dəqiqədən çox qucaqlaşmaq qadağan edilib və hər yerə işarələr qoyulub.

Səbəb isə izdiham səbəbindən digər insanlara “qucaqlaşmaq şansı” qalmasıdır. Aeroport meneceri Daniel de Bono, "Normalda sevgi hormonu üçün 20 saniyə kifayətdir. Nə qədər az qucaqlaşsalar, sərnişinlərin şansları o qədər çox olar" deyib.

Hamburq və London hava limanlarında mayelərin əl çantalarında qalmasına və təyyarəyə aparılmasına icazə verilir. Amma limit 100 mililitrdir. Bu ərazilərdə noutbukları qablaşdırmadan çıxarmağa ehtiyac yoxdur. 

Berlin-Brandenburq Willy Brandt hava limanında elektron cihazları əl yükündən çıxarmaq lazım deyil və istənilən miqdarda kosmetika eyni üsulla daşına bilər. Münhen və Brüsseldəki yeni növ təhlükəsizlik skanerləri sayəsində siz artıq kəmərə qədər soyunmaq məcburiyyətində qalmayacaqsınız.

Aİ daxili reyslərində sərnişinləri müşayiət edən çantaların ölçüsü 50 x 40 x 20 sm olacaq. Bundan əlavə, kiçik bir əl çantası və noutbuk götürülə bilər. Çarter reyslərində və ya aşağı büdcəli aviaşirkətlərdə çanta ölçüləri 40 x 30 x 15 sm ilə məhdudlaşdırıla bilər. 

British Airways 23 kiloqrama qədər əl yükünə icazə verilirdi. Ancaq bu, 10 kiloqrama qədər azaldıla bilər. 

Məryəm İlhamqızı