"Apple" yeni təqdimat edəcək - Vaxt açıqlandı

"Apple"ın marketinq rəhbəri Greg Joswiak yeni kompüterlərin elanlarını açıqlayıb. 

News24.az Milli.Az-a istinadla xəbər verir ki, "X" sosial şəbəkəsindəki səhifəsində o bildirib ki, gələn həftə şirkət bir neçə yeni məhsul təqdim edəcək.

G.Joswiak-ın sözlərinə görə, ilk elan bazar ertəsi günü olacaq: "Bizi bazar ertəsi səhərindən başlayaraq, həyəcanverici elanlar həftəsi gözləyir.

İzləmədə qalın." G.Joswiak tərəfindən yerləşdirilən tizerə "Mac" haqqında xatırlatma və "Apple" loqotipinə çevrilən "macOS Finder" ikonasının qısa klipi daxildir.