Lalə Məmmədovadan “Konum at”...

Əməkdar artist, estrada ulduzu Lalə Məmmədova yeni “Konum at” adlı mahnı və klipini təqdim edib.

News24.az xəbər verir ki, fərqli tərzdə ərsəyə gələn mahnının söz və musiqisi Temmi (Təmraz Hüseynov), aranjemanı Eşqin Ağayev,  mix Mastering isə Emin Kərimə məxsusdur. 

Klipin üzərində türkiyəli yaradıcı heyyət çalışıb. Klipi məşhur kinorejissor Kemal Yıldız çəkib.

Lalə Məmmədovanın zövqlü tərzi üzərində məşhur stilist Elnur Həsənov çalışıb. E.Həsənov həmçinin Lalə Məmmədovanın baş prodüseri və layihələrinin direktorudur.

“Mahnı 2022-ci ildə mənə təqdim edilib. Klipimiz Bakıda çəkilib, ancaq əsas yaradıcı heyyət Türkiyədən təşrif buyurub. Ümumiyyətlə, bu, böyük bir komanda işidir və bizim yerli peşəkarlar da burada çalışıb.

O ki qaldı mahnıya, “Konum at” hazırki dövrümüzdə çox aktual ifadədir. Ümumiyyətlə, mahnıda eşitdiyiniz o söz ayrı-ayrı hadisələrə münasibətini ifadə edir və bir çox mənalarda istifadə edilib. İnanıram ki, dinləyicilər bunu bəyənəcək və hər kəsin dilinə düşəcək” - deyə L.Məmmədova bildirib.