"Ana, mənə sizin fiziki dəstəyiniz lazımdır" - Sevincə kömək edək
    • 6-08-2018, 16:37
    • 799

"Ana, mənə sizin fiziki dəstəyiniz lazımdır" - Sevincə kömək edək

Sevinc Gəncə şəhərində yaşayır. Fiziki məhdudiyyətli, lakin çox istedadlı bir qızdır. Bu gün onun anası qızının valideynlərinə yazmış olduğu məktubu da əlavə etməklə redaksiyamıza müraciət edib. News24.az Məmmədova Mətanət Hüseyin qızının xoşməramlı insanlara müraciətini  diqqətinizə çatdırır:

"Mən  ölkəmizin  bütün xeyirxaq insanlarına müraciət edirəm.  Sevincin əməlyyat yolu ilə, əməliyyatdan sonra isə  reabilitasiya  edərək,  sərbəst yerimək  şansı var.  Mən ailə həyatı qurandan 12 il sonra analıq sevincini mənə qızım Sevinc yaşatdı . Ancaq qızımın Uşaq Serebraİ İflici (USİ)- i diaqnozlu olduğunu və aşağı ətrafların problemli olduğunu biləndə, ümidsiz bir hökmə baxmayaraq, bir valideyin kimi qayğımızı və ümidimizi kəsmədik.  Baxmayaraq ki , bu sahədə maarifli də deyildik. Düşünürdük ki ,həkimin yazdığı dərmanlar ,massajlar , bizə verdikləri ümidlər  və s. onun yeriməsinə kömək edəcəkdir. 2003-cü ildən UAFA təşkilatının Gəncə şəhərində “Ailələrə Dəstək Mərkəzi “ açıldı. Layihə çərçivəsində mərkəzin uşaq inkişafı mütəxəssisləri  bizim ailəyə səfər etdilər . Mütamadi olaraq, övladımız mərkəzin fərdi və qrup məşğələlərindən, mərkəzdə fəaliyyət göstərən dərnəklərdən bəhrələndi . Qızımın bu günkü gündə fiziki dəstəklə addım ata bilməsi və bizi bu sahədə hər tərəfli maarifləndirdikləri üçün  UAFA təşkilatına təşəkkür edirəm. Məhz bundan sonra Sevinci  hər il bütün məsləhət görülən müəssisələrə  və reabilitasiya mərkəzlərinə müalicə üçün aparırdıq. Hətta evimizdə onun böyük motor bacarıqlarının inkişafı üçün vacib olan avadanlıqları da əldə edib , lazım olan şəraiti də yaratdıq  Amma təssüflər olsun ki, istədiyimiz nəticəyə nail ola bilmədik . Buna baxmayaraq ümudimizi yenə də itirmədik .Bizim ,UAFA Gəncə İƏRM-nin və özünün bacarıqlarının nəticəsi  kimi qızım böyüdükcə Azərbaycan ədəbiyyatına olan marağı , şeir demək istedadı üzə çıxdı.  Qızım Gəncə UAFA təşkilatını  bütün tədbirlərində  Gəncə Dövlət Dram  teatrında, Gəncə Dövlət Kukla Teatrında ,  təhsil aldığı məktəbdə keçirilən tədbirlərdə aparıcı , Nizami Gəncəvinin “Sirlər xəzinəsi” əsərində, M.Gəncəvinin həyatına həsr edilmiş tamaşada  Məhsəti Gəncəvinin  və s.  rollarda oynamış ,  şeir söyləmişdir. Bu il Sevinc M.Əzizbəyov adına 15 saylı tipik məltəbin 11-ci sinifini    əla və yaxşı giymətlər ilə bıtırdı. Onun çoxlu dostları var. Sevinc özünü heç vaxt cəmiyyətdən təcrid olunmuş kimi hiss etməyib. Ailəsi,dostları ,UAFA Gəncə İƏRM-nin kollektivi və s. həmişə onunla olub.


 Orta məktəbi əla və yaxşı qiymətlərlə bitirməsinə baxmayaraq , Sevinc sənədlərini DİM-ə verməməyi qərarı aldı : “Ana , mən Universitetə qəbul olsam da mənim fiziki dəstəyə ehtiyacım olacaq. Gələcəkdə davamiyyətli  təhsil almaq üçün mənə Sizin fiziki dəstəyiniz lazımdır.  Nəzərə alsaq ki,  atamın 69 yaşı , sənin isə 62  yaşın var hər biriniz ağır əməliyyat keçirmiş yaşlı insanlarsınız . Sizin həyatınızda yük olmaq istəməzdim .  mənə görə Sizlərə nə isə olarsa bu mənə cox ağır bir zərbə olardı . Axı həyatda mənim tək ümidim Sizsiniz. Mən övlad kimi Sizin qayğınıza qalmalıyam, nəinki Siz mənim ” dedi. Qızımın bu sözləri, valideyin kimi hər ikimizi kövrəltdi. Maddi imkanlarımızın aşağı olmasına baxmayarq  araşdırmalar apardıq və onu Bakı şəhərnə “BoneArt Ortopedi Azerbaycan ” Tükiyəli həkimlər  qrupuna göstərmək qərarına gəldik . Qrup rəhbəri Op. Dr. Cengiz  Cabukoğlu  və digərləri qızıma  əməliyyət olarsa cox sevindirici  proqnoz verdilər. “Sevincin əməlyyat yolu ilə, əməliyyatdan sonra isə  reabilitasiya  edərək,  sərbəst yerimək  şansı var” dedilər. Ancaq  bu bahalı əməliyyat üçün bizim- təqaüdçü olan hər ikimizin - vacib olan 10 000 AZN vəsaitimiz yoxdur . Bizi narahat edən digər məsələ isə  bizim yaşlı olmağımız, Sevincin qardaşı və bacısı olmamağı və gələcəkdə Sevincin kiməsə möhtac  ola  bilməsidir. Bir də ki,  Sevincin arzusu bütün gənclər kimi təhsil alıb ,öz karyerasını qurub, sevib-sevilmək, ictimai həyatda  aktiv olmaq və istedadlı aktyor olaraq , özünü cəmiyyətə tanıtmaq , inkişaf etdirməkdir.  Bu onun haqqıdır. Sevincin  bu arzularının həyata keçməsi üçün Sizin köməyinizə ehtiyacımız vardır. Ona görə də üzümü  Sizə- xeyirxaq insanlara tutub rica edirəm: əməliyyət üçün   lazım olan 10 min manat məbləği ödəmək üçün bizə köməklik edəsiniz. Sevincin bizim ailənin sevinci olması üçün  bizə dəstək olun. Sizin köməkliyiniz ilə mənim qızım Sevinc sərbəst yeriyərək özünü idarə edər və arzlarına çatar."