Qadın botoks iynəsindən sonra botulizmə YOLUXDU

Mahaçqala sakini qeydiyyatda olmayan “Refinex” dərmanını iynə vurduqdan sonra botulizmə yoluxub.

32gun.az bildirir ki, bu barədə Rospotrebnadzorun Dağıstan üzrə departamentinin mətbuat xidməti xəbər verib. 

Ticarət mərkəzlərinin birində qırışların düzəldilməsi prosedurları baş tutub.

Kosmetoloqa baş çəkdikdən bir neçə gün sonra xəstənin vəziyyəti kəskin şəkildə pisləşdi: başgicəllənmə hiss etməyə başladı, əzalarında zəiflik, bulanıq görmə, nəfəs almaqda və udmaqda çətinlik çəkdi. Qadın xəstəxananın yoluxucu xəstəliklər şöbəsinə yerləşdirilib.

Rospotrebnadzorun əməkdaşları Daxili İşlər Nazirliyi və İstintaq Komitəsinin bölgə üzrə İstintaq İdarəsi ilə birlikdə ticarət mərkəzindəki iki gözəllik salonunun işini “sanitariya qanunvericiliyinin tələblərinə cavab verməyən xidmətlər göstərdiyinə görə” dayandırıblar.

Qeyd edək ki, Botulizm və ya botulismus nadir rastlanan amma çox təhlükəli klostridial infeksiyadır.