Qubada kütləvi zəhərlənənlərlə bağlı Səhiyyə Nazirliyindən- AÇIQLAMA

Qubanın Dəlləkli kəndi ərazisində baş verən kütləvi zəhərlənənlər xəstəxanaya yerləşdirilib. 

Səhiyyə Nazirliyinin mətbuat xidmətindən News24.az- verilən məluamata görə, Qubada 5 nəfər qidadan zəhərlənərək xəstəxanaya yerləşdirilib. Xəstələrin mədələri yuyulub, tibbi yardım göstərilərək xəstəxananın yoluxucu xəstəliklər şöbəsinə yerləşdiriliblər. Vəziyyətləri stabildir.
Qurumdan zəhərlənmənin səbəbi ilə bağlı suala da cavab verilib: «Nümunələr Gigiyena və Epidemiologiya Mərkəzinə göndərilib. RGEM-dən məlumat veriləndən sonra ictimaiyyətə açıqlanacaq». 

Məsələ ilə bağlı Quba rayon Mərkəzi Xəstəxanası ilə da əlaqə saxladıq. Xəstəxananın yoluxucu xəstəliklər şöbəsindən News24.az-a bildirildi ki, hazırda zəhərlənənlərin vəziyyəti normaldır. Xəstələrin ilkin olaraq evlərində qidalandıqları meyvələrdən və xörəkdən zəhərləndikləri bildirilib. 

Afaq Mirayiq