“Yadplanetlilərə” bənzəyən naməlum və qorxunc balıq tapıldı — FOTO

İxtioloqlar çaşqınlıq içindədirlər. Alimlər, təbiətdə təkamülü öyrənən tədqiqatçılar Sakit okeanın sahilində çoxlu dişləri olan vəhşi, ölü balıq qalıqlarını görüblər. Elmə məlum olmayan bu qorxulu su canlısının çənəsindəki bir neçə cərgədə düzülmüş iti, uzun dişlər görənləri təəccübləndirib.

News24.az Azpost.info-ya istinadən xəbər verir ki, Kendra Lakou, Kanadada, yəni Britaniya Kolumbiyasının Vankuver adasının cənub ucunda yerləşən Xuan de Fukada, Sakit okeanı boğazındakı qayalıqlardan ibarət adaların birində ekoloq, eləcə də mayak baxıcısıdır. Kendranın yaşadığı və işlədiyi ada əslində Reys Roksun qorunduğu bu okean ərazisinin bir hissəsi hesab olunur.

Buranı tədqiq edən ekoloqun sözlərinə görə, hətta hər gün qağayılar və müxtəlif növlərdən olan digər quşlar bu qayalarda onun üçün çox sayda sürprizlər buraxıb gedirlər. Lakou bildirib ki, bu tapıntıların içərisində dəniz ulduzları, digər balıqlar, müxtəlif növ mollyuskalar da var.

Kendra Lakounun oktyabrın 26-da səhər gəzintisi zamanı qəfildən rastlaşdığı canlı və etdiyi kəşf onu həqiqətən də çaşdırıb. Ekoloq sahilə yaxın qayaların arasındakı ərazilərdə düşüb qalan, inanılmaz sayda iti dişləri olan balıq qalıqlarını görəndən sonra yeni su canlısını tapdığını anlayıb.

Kendra deyir: “Gördüyümə heyrət içində baxırdım. Mən indiyədək heç bir canlıda bu qədər çox diş görməmişdim”.

O, qəribə balıqların fotolarını çəkib, daha sonra isə həmin şəkillərin hamısını sosial şəbəkələrdə yerləşdirib. Bununla da, elm adamı kimi onu izləyənlərə öz məqsədini açıqlayan Kendra Lakou istifadəçilərdən xahiş edib ki, qorxunc su canlısının hansı növə aid olduğunu müəyyən etmək üçün ona köməklik göstərsinlər. Bəziləri bunun Dişli Yaşıllıq balığı ola biləcəyini, bəziləri isə vəhşi görünüşlü balığın yadplanetliyə bənzədiyi ehtimalını irəli sürüblər.

Kendranın çəkdiyi bu fotoşəkilləri tədqiq edən ixtioloq, alim Maria Korntueyt belə bir nəticəyə gəlib ki, balıqların hansı növ olduğunu müəyyən etmək çox çətindir. O bildirib ki, nadir nümunə hətta öz əlində olsa belə, hər hansı bir yolla bunu aydın etmək mümkün deyil, çünki “Yadplanetli” olduğu deyilən balığın başının, eləcə də gövdə hissəsinin cüzi parçası qalıb.

Bu günün özündə belə ətraflı araşdırılan, indiyə qədər də davam edən çox qızğın elmi mübahisələrə və fikir müxtəlifliyinə baxmayaraq, ixtioloq Maria Korntueyt ilk dəfə üzə çıxan nadir canlının qalıqlarının növünün müəyyən etdiyinə inanır.

Korntueyt, Britaniya Kolumbiyası adaları sahillərində məskən salan və həmçinin də “Coryphaenoides” cinsinə aid olub suyun dərinliyində yaşayan bu canlının bir balıq qrupunun üzvü ola biləcəyini söyləyib. O, yeni tapılmış iti dişli, vəhşi balıq növünü də məhz “Coryphaenoides” adlandırmağı təklif edib.