Dünyanın yaşıl möcüzəsi: Babilin asma bağlarının SİRRİ

Babilin asma bağları tarixdə adı çəkilən ən maraqlı və möhtəşəm abidələrdən biridir.

News24.az xəbər verir ki, əfsanəyə görə, bu bağlar eramızdan əvvəl VII əsrdə Babil hökmdarı II Nabukodonosor tərəfindən həyat yoldaşı, Midiya şahzadəsi Amyitis üçün inşa edilib. Şahzadə doğma torpağının yaşıllığı və təbiətinə həsrət qaldığı üçün Nabukodonosor ona doğma torpaqlarını xatırladacaq şəkildə xüsusi bir bağ salmağı qərara alıb.

Asma bağların yerləşməsi haqqında fərqli fikirlər olsa da, ənənəvi olaraq onların Babil şəhərində, indiki İraq ərazisində yerləşdiyi düşünülür. Bağlar terrasalardan ibarət pilləvari struktura malik idi və bitkilərin asılmış kimi görünməsi üçün xüsusi suvarma sistemi ilə suvarılırdı. Bağların sulanması üçün çayın suyu pilləkənlərlə yuxarıya çəkilir və müxtəlif təbəqələrə paylanırdı. Bunun üçün qədim texnologiyalar, məsələn, bu gün də tanınan "su təkərləri" istifadə olunmuşdu. 

Asma Bağlar haqqında bir çox yazılı məlumat qədim Yunan və Roma müəllifləri tərəfindən qələmə alınmışdır. Herodot, Strabon və Philo kimi müəlliflər bağların təsvirində onların gözəlliyini və fərqliliyini vurğulamışdırlar.

Asma bağlar həm özünün yaşıllığı, həm də yaradılış məqsədi ilə qədim dünyada xüsusi yer tutub və əsrlər boyu təxəyyülü zənginləşdirib. 

\\Musavat.com