Usta inşaat zamanı liftin şaxtasına düşərək ÖLDÜ

Türkiyədə Bahçelievler məhəlləsi 19 May küçəsində bir şirkətin tikintisində işləyən Babacan Əliyev müvazinətini itirərək 3-cü mərtəbədən liftin şaxtasına yıxılıb.

News24.az xəbər verir ki, Əliyevin hərəkətsiz olduğunu görən həmkarları vəziyyəti 112 Təcili Yardım Mərkəzinə bildiriblər.

Ağır yaralanan işçiyə sağlamlıq qrupları tərəfindən ilkin tibbi yardım göstərildikdən sonra Biləcik Təhsil və Araşdırma Xəstəxanasına aparılıb.

Babacan Əliyevi xəstəxanada edilən müdaxilələrə baxmayaraq xilas etmək mümkün olmayıb.

Məryəm İlhamqızı