Bu insanlar duzlu kələmdən uzaq durmalıdır – XƏBƏRDARLIQ

Turşu kələm qastrit və xorası olan insanlar üçün əks göstərişdir”

Medianews.az-a istinadən xəbər verir ki, bunu immunoloq Olqa Şuppo deyib.

Onun sözlərinə görə, turşu kələm mədə-bağırsaq traktının fəaliyyətini bərpa etmək və mikrobiotanı dəstəkləmək üçün son dərəcə vacib olan fermentləşdirilmiş məhsul olsa da, bəzi insanlar ehtiyatlı olmalıdır.

O qeyd edib ki, duzlu kələm C, B, K və U vitaminləri, probiotiklər, dəmir, fosfor, kalium, maqnezium, liflə zəngindir. Eyni zamanda, tərkibində C vitamini baxımından hətta limonları da üstələyir.

Bununla belə, Şuppo qeyd edib ki, duzlu kələm az-az pəhrizə daxil edilməlidir, çünki tərkibində həzm orqanlarının selikli qişası üçün qıcıqlandırıcı rol oynaya bilən çoxlu müxtəlif bakteriya və lif var.

İmmunoloq əlavə edib ki, bəzi xəstəliklər üçün duzlu kələm hətta əks göstəriş ola bilər: qastrit, xora, mədəaltı vəzi və ya öd kisəsinin iltihabı, qaraciyər xəstəlikləri, həzm pozğunluğu olanlar bu məhsuldan uzaq durmalıdırlar.

“Tərkibində yüksək duz olduğuna görə, ürək xəstəliyi və ya yüksək qan təzyiqi olan insanlar duzlu kələm istehlakından çəkinməlidirlər, çünki qan təzyiqinin artması və ödem riski var”, – deyə Şuppo bildirib.