Məşhur aktrisa vəfat etdi - FOTO

İspaniyalı teatr və kino aktrisası Marisa Paredes 78 yaşında vəfat edib. 

News24.az xəbər verir ki, bu barədə İspaniya Kinematoqrafiya Sənəti və Elmləri Akademiyası məlumat yayıb.

Aktrisa ən böyük şöhrəti rejissor Pedro Almodovarın filmlərindəki baş rolları sayəsində qazanıb.

Paredes 1946-cı ildə Madriddə anadan olub. Aktrisa 1960-cı ildə böyük ekranda debüt etdi. Populyar əsərlərə "Hündürdaban" (1991), "Anam haqqında hər şey" (1999), "Şeytanın bel sümüyü" (2001), "Yaşadığım dəri" (2011) filmləri daxildir.

2018-ci ildə kinonun inkişafına verdiyi mühüm töhfəyə görə "Qoya" mükafatını alıb.

2000-2003-cü illərdə Paredes İspaniya Kino Akademiyasının sədri vəzifəsində çalışıb.

Ağa Dadaşzadə