Həbsxanada iğtişaş – İki məhbus öldü

Meksikanın Tabasko ştatının cəzaçəkmə müəssisəsində baş verən iğtişaş iki məhbusun ölümünə səbəb olub.

News24.az xəbər verir ki, Meksika mətbuatının yazdığına görə, Kretset həbsxanasındakı iğtişaşlar bəzi məhbusların başqa islah müəssisələrinə köçürülməsi səbəbindən baş verib.

Qarşıdurma zamanı iki məhbus ölüb, digərləri isə yaralanıb.

Təhlükəsizlik üzrə dövlət katibi Viktor Hüqo Çaves mətbuata bildirib ki, iğtişaşlar iki məhbusun təhvil verilməsi səbəbindən başlayıb. Həbsxanada asayişi bərpa etmək üçün polis əməliyyatı həyata keçirib.

İğtişaşlar zamanı məhbuslar mebel və zibil qutularını yandırıblar. Əməliyyat zamanı hüquq-mühafizə orqanlarının əməkdaşları çoxlu sayda silah-sursat, kəsici əşyalar və partlayıcı maddələr ələ keçirib.

İğtişaş xəbərindən sonra məhbusların yaxınları baş verənlərlə bağlı məlumat almaq üçün həbsxana binasının qarşısına toplaşıblar.

Aynurə