Türk Dövlətləri Təşkilatı başsağlığı verdi - FOTO

Türk Dövlətləri Təşkilatı Qazaxıstanın Aktau şəhərində "Azərbaycan Hava Yollarına" məxsus təyyarənin qəzaya uğraması ilə bağlı başsağlığı verib.

News24.az xəbər verir ki, bununla bağlı TDT-nin sosial media hesabında paylaşım edilib.

“AZAL-ın Bakı-Qroznı reysini yerinə yetirən təyyarəsinin Qazaxıstanın Aktau şəhəri yaxınlığında faciəvi qəzaya uğraması bizi dərin kədərləndirib.

Həyatını itirənlərin ailələrinə başsağlığı verir, qəzadan sağ çıxanlara isə tezliklə şəfa diləyirik. Bütün dualarımız bu faciəli hadisədən zərər çəkmiş qardaş və bacılarımızladır. Bu kədərli zamanda bütün zərər çəkmiş dövlətlərə səbir və başsağlığı diləyirik”, - başsağlığında bildirilib.