Napoli prezidentinin Osimhenə qəzəbi: "Qalatasaray"a deyin ki, onu aparsın

"Qalatasaray"ın ulduz futbolçusu Viktor Osimhenin transfer vəziyyəti aydınlaşır. "Napoli"nin idman direktoru Covanni Manna Okan Burukun heyətdə qalmasının tərəfdarı olan Osimhenlə İstanbulda transfer görüşü keçirib.

News24.az xəbər verir ki, görüşün nəticəsində Osimhen "Qalatasaray"da qalmaq istədiyini klubu "Napoli"yə çatdırıb.

Bu vəziyyətdən qəzəblənən "Napoli"nin prezidenti Aurelio De Laurentis "Qalatasaray"a deyin ki, onu aparsın" deyib.

Onu da qeyd edək ki, hazırda bazar dəyəri 75 milyon avro olan Osimhenin "Mançester Yunayted"dən gələn transfer təklifini rədd etdiyi iddia edilib.

26 yaşlı nigeriyalı hücumçu bu mövsüm "Qalatasaray"la 16 matçda 13 qol vurub, 5 məhsuldar ötürmə edib.

Günel Məlikzadə