Bu sıyıq qadınların qocalma prosesini ləngidir

Təəccüblü ola bilər, amma arpa sıyığı qadın orqanizmində kollagen çatışmazlığını kompensasiya etməyə kömək edir və bununla da onu bir neçə il cavanlaşdırır.

News24.az Lent.az-a istinadla bildirir ki, həkimlər ən azı həftədə bir dəfə arpa sıyığı yeməyi məsləhət görürlər; bu, inanılmaz nəticələr əldə etmək üçün kifayətdir.

Bu taxıl məhsulunun tərkibində kollagenin sintezində birbaşa iştirak edən amin turşusu olan lizin var. Lizin dərinin möhkəm və elastik qalmasına kömək edir, qırışların görünüşünü aradan qaldırır. Bundan əlavə, arpada menopoz zamanı qadın orqanizmi üçün son dərəcə faydalı olan B, A və E vitaminləri var.

Arpa sıyığı yalnız cavanlaşmağa deyil, həm də çəki azaltmağa kömək edir. Tərkibində həddindən artıq yağ toxumasının böyüməsinə səbəb olmadan bədəni doyuran güclü nisbətdə bitki lifi var.

Arpa həm də mədə və bağırsaqların fəaliyyətini yaxşılaşdırır, böyrək və qaraciyər xəstəlikləri və şəkərli diabet üçün faydalıdır.

Başqa hansı dənli bitkilər bədəni kollagenlə doldura bilər?

Qarabaşaq həm də kollagen zülalının güclü mənbəyidir, onun çox hissəsi yaşıl taxıllarda olur. Bir porsiya qaynadılmış yaşıl qarabaşaq yarması gündəlik lizin ehtiyacının onda birini ehtiva edir. Eyni zamanda, qarabaşaq yarması qadın sağlamlığı üçün vacib olan vitaminlər, minerallar, bitki lifləri, amin turşuları ilə zəngindir.