Paşinyan şərti sərhəddəki gərginlikdən danışdı

Ermənistan baş naziri Nikol Paşinyan şərti sərhəddə gərginlik fonunda iki ölkə arasında münasibətlərin pisləşməsi üçün əsas olmadığını bildirib.

Oxu.Az xəbər verir ki, bu barədə o, Ermənistanın İctimai Televiziyasına müsahibəsində danışıb.

"Eskalasiyanın əsasları olmalıdır. Bizim regionda bu gün gərginləşmə üçün heç bir əsas yoxdur. Nəticə etibarilə, növbəti mərhələ sülh müqaviləsinin imzalanması və həyata keçirilməsi olmalıdır", - Paşinyan qeyd edib.

Baş nazir həmçinin qeyd edib ki, Avropa İttifaqının (Aİ) müşahidəçiləri Ermənistan ilə Azərbaycan arasında sülh müqaviləsi imzalanana qədər sərhəddə qala bilər.