Güclü zəlzələdə ölənlərin sayı 2 mini keçdi

Myanmada meydana gələn 7,7 və 6,4 ballıq iki zəlzələdə can itkisi 2 min 719-a yüksəlib.

News24.az xəbər verir ki, Myanma hərbi hökumətinin lideri general Min Aunq Hlainq martın 28-də ölkədə baş verən zəlzələlərlə bağlı açıqlama verib.

Min Aung Hlaing qeyd edib ki, indiyədək zəlzələlərdə 2719 nəfər ölüb və bu rəqəmin 3000-i keçəcəyini gözləyirlər.

Zəlzələdə yaralananların sayının 4 min 521-ə yüksəldiyini ifadə edən Min Aung Hlaing, 441 nəfərin hələ də itkin olduğunu açıqlayıb.

Qeyd edək ki, Myanmada zəlzələ ilə əlaqədar bir həftəlik matəm elan edilib.

Günel Məlikzadə