"Real Madrid"i son anda Arda xilas etdi

İspaniya Kral Kubokunun yarımfinal mərhələsinin cavab oyununda Madrid "Real"ı "Real Sosyedad"ı qəbul edib. Gərgin mübarizə şəraitində keçən qarşılaşmada əsas vaxt "Real Sosyedad"ın 4-3 hesablı üstünlüyü ilə başa çatıb və matç əlavə vaxta gedib. Əlavə vaxtda Arda Gülərin asisti ilə Antonio Rüdigerin vurduğu qol hesabı 4-4-ə çatdırıb və "Real Madrid"i finala çıxarıb.

News24.az xəbər verir ki, matça yaxşı başlayan "Real Sosyedad" 16-cı dəqiqədə Ander Barrenetxeanın qolu ilə önə keçib.

Lakin "Real Madrid" gənc ulduzu Endrikin 30-cu dəqiqədə vurduğu qolla hesabı 1-1-ə çatdırıb və ilk hissə bu nəticə ilə başa çatıb.

İkinci hissədə təzyiqini artıran qonaq komanda 72-ci dəqiqədə David Alabanın avtoqolu ilə yenidən hesabda önə keçib. 80-ci dəqiqədə Mikel Oyarzabal fərqi ikiyə çatdıraraq "Real Sosyedad"ı 3-1 önə keçirib. Bununla belə, Real Madrid qısa müddət ərzində geri dönə bilib. Komanda, 82-ci dəqiqədə Cud Bellinqam və 86-cı dəqiqədə Aurelien Tchouameninin qolları ilə hesabı 3-3-ə çatdırıb. 90+3. Dəqiqədə bir daha səhnəyə çıxan Mikel Oyarzabal "Real Sosyedad"ı 4-3 önə keçirib və matçı əlavə vaxta daşıyıb. 

Əlavə vaxtın ikinci yarısında oyuna daxil olan Türkiyə millisinin futbolçu Arda Gülər komandasına kritik töhfə verib. 115-ci dəqiqədə künc zərbəsindən Antonio Rüdigerin başla zərbəsi hesabı 4-4-ə çatdırıb və "Real Madrid" bu nəticə ilə finala yüksəlib. /baku.ws