Ramzan Kadırovun oğlu Qroznının fəxri vətəndaşı oldu

Çeçenistan rəhbərinin oğlu, ölkənin bədən tərbiyəsi və idman naziri Axmat Kadırov Qroznı şəhərinin fəxri vətəndaşı adına layiq görülüb.

News24.az xəbər verir ki, bu barədə TASS məlumat yayıb .

Mükafatı respublika güləş mərkəzinin açılışı zamanı Ramzan Kadırov özü təqdim edib. Ölkə rəhbəri həmçinin rayon güləş federasiyasının nümayəndələrini, müvafiq idarənin əməkdaşlarını, məşqçi və idmançıları mükafatlandırıb.

Axmat Kadırov 2024-cü ilin may ayından Çeçenistan Respublikasının bədən tərbiyəsi və idman naziridir. O, eyni zamanda “Axmat” futbol klubunun prezidentidir./Teleqraf