Şabranda əlillərin binasında yanğın: YEDDİ YARALI - YENİLƏNİB - FOTO

Şabranda baş verən hadisə zamanı xəsarət alanlardan hazırda 2-si xəstəxanada müalicələrini davam etdirir.

Səhiyyə Nazirliyindən News24.az-a verilən məlumata görə, digər 5 xəstə ambulator müalicə üçün evə buraxılıblar.  Xəstəxanada qalanlar 30 və 42 yaşlı qadınlardır.


***
13:11
Şabranda baş verən yanğın hadisəsi ilə bağlı xəstəxanaya yeddi nəfər gətirilib.

News24.az xəbər verir ki, Səhiyyə Nazirliyinin yaydığı məlumata görə, 51 yaşlı kişi sağ topuğun kəsilmiş yarası, 29 yaşlı kişi və 16, 42, 35, 24 və 30 yaşlı qadınlar isə stress və tüstüdən boğulma ilə xəstəxanaya müraciət ediblər.

Onlardan ikisi cərrahiyyə şöbəsinə, beş nəfər isə reanimasiyaya yerləşdirilib. Vəziyyətləri orta ağır qiymətləndirilir. Həyatları üçün təhlükə yoxdur.