Bakıda sərnişin avtobusu üç piyadanı vurdu, biri öldü

Bakının Sabunçu rayonunda ağır yol qəzası baş verib.
News24.az APA-ya istinadən xəbər verir ki, avtoqəza zamanı piyadaları avtobus vurub.
Belə ki, Zabrat qəsəbəsində qeydə alınmış yol qəzasında 186 saylı xətt marşrutu üzrə hərəkət edən "Daewoo" markalı sərnişin avtobusu üç piyadanı vurub. Nəticədə onlardan biri hadisə yerində dünyasını dəyişib, daha iki nəfər isə 3 saylı şəhər Klinik Xəstəxanasına yerləşdirilib. Onlardan birinin vəziyyətinin ağır olduğu deyilir.
Hadisənin təfərrüatlarını Sabunçu polisi araşdırır.