"İnsan ağır, dram serialından komediyaya keçmək istəyir" - "Vicdan Haqqı"nın Minayəsi

Əməkdar artist Hicran Nəsirovadan xəbər var.

News24.az xəbər verir ki, aktrisa yeni mövsümdən etibarən ATV-də yayımlanan "Qız atası" serialında rol alacaq.

Bu barədə Əməkdar artist saytımıza açıqlama verib: "İnsan artıq ağır, dram serialından komediyaya keçmək istəyir. Çünki dramın axırı yoxdur. Yaxşı təkliflərə daim açığam. Üç serialdan hələlik "Qız atası"nda dayandım. İstəyirəm məzmunlu, hekayəsi olan, maraqlı, güclü işdə yer alım. Komandaya hər zaman diqqət yetirirəm. Çalışıram bütün rollarımda fərqli olum."

Əməkdar artist vaxtıilə çəkildiyi "Vicdan haqqı" serialı zamanı sağlamlığı ilə bağlı yayılan söz-söhbətlərə də aydınlıq gətirib:
"İnsanıq, yaşımızın, sənətimizin öz problemləri var. Ona görə də arada belə hallar olur".

Sevda Bayramova