Şahzadə Qaşıqçı cinayətinə görə MƏSULİYYƏTİ ÖZ ÜZƏRİNƏ GÖTÜRDÜ

Səudiyyə Ərəbistanının şahzadəsi Məhəmməd İbn Salman Al Səud, Camal Qaşıqçı cinayətinə görə məsuliyyətin onun üzərində olduğunu bildirib.

News24.az xəbər verir ki, buna səbəb hadisənin şahzadənin hakimiyyəti dövründə baş verməsidir: "Bu mənim rəhbərlik etdiyim vaxtda oldu. Bunun üçün bütün məsuliyyət mənim üzərimdədir, çünki bu, həmin vaxt hakimiyyətdə mən idim".

Onun xəbəri olmadan hadisənin necə baş verə bilməsi ilə bağlı sualı cavablandıran şahzadə, Krallığında hökumət təyyarələrinə çıxışı olan üç milyon məmurun olduğunu bildirib.

Qeyd edək ki, Camal Qaşıqçı ötən ilin oktyabrın 2-də Səudiyyə Ərəbistanının İstanbuldakı Baş Konsulluğuna baş çəkib və sonra ondan xəbər almaq mümkün olmayıb. Krallıq nümayəndələri əvvəlcə onun konsulluğu diri tərk etməsini israr etsələr də, ancaq 19 oktyabrda, Ər-Riyadda, jurnalistin binanın içərisində öldürüldüyü qeyd edilib.