Şəhzadə qardaşlar bir-biri ilə münasibəti kəsdilər: "Yollarımız ayrılıb"

İngiltərə mediasında Meqan Marklin kral ailəsinə gəlişi ilə şəhzadə qardaşlar Harri və Uilyamın arasındakı əlaqələrin kəsildiyi qeyd olunub.

News24.az xarici KİV-ə istinadən xəbər verir ki, məlumatda şahzadələrin mübahisələr etməyə başladığı, ortaq məxrəc tapmağa cəhd etdikləri və yalnız tədbirlərdə məcburiyyətdən ünsiyyət qurduqları iddia edilib.

Ötən gün isə şəhzadə Harri məsələ ilə bağlı açıqlama verərək qardaşı ilə arasında olan münasibətlər haqda bunları deyib: “Ailəmiz davamlı təzyiq altındadır, belə şəraitdə münaqişələr sadəcə qaçılmazdır. Ancaq biz qardaşıq və həmişə də olacağıq. Yollarımız bir-birindən ayrılıb, amma lazım gəlsə həmişə onun yanında olacağam və onun da mənim üçün eyni şeyi edəcəyinə inanıram. Bəli, məşğul olduğumuz üçün bir-birimizi daha az görürük, amma mən onu çox sevirəm və mətbuatda çox şey şişirilir. Qardaşıq, yaxşı və pis vaxtlarımız anlarımız olur”.