"Barış Pınarı Hərəkatı"nda 120 saat sona çatır - TRAMP TÜRKİYƏNİ HƏDƏLƏDİ - VİDEO

ABŞ prezidenti Donald Tramp, Ağ Evdə Nazirlər Şurasının iclasından əvvəl Suriyada atəşkəsin davam etdiyini bildirib.

News24.az xarici KİV-ə istinadən xəbər verir ki, kiçik qarşıdurmalar olsa da bunların sayının çox az olduğunu ifadə edən D.Tramp, Türkiyə ilə razılaşma çərçivəsində bölgədən PKK / PYD terror qruplaşmalarının çıxdığını və bunun "ağıllı addım" olduğunu deyib.

ABŞ prezidenti, həmçinin “Barış Pınarı Hərəkatı”nın 120 saatlıq dayandırılma müqaviləsinin vaxtının bitməsi bağlı da açıqlama edib. O, növbəti dəfə türkiyəni hədələyib: "Əgər Türkiyə əlverişsiz davransa, sanksiyalar və vergilər tətbiq edəcəyik".

Donald Tramp onu "kürdləri tək buraxdığına görə" tənqid edənlərə də cavab verib: “Kürdlərə bölgədə 400 il qalacağımıza söz verməmişik. Çıxmaqla ağıllı addım atdıq”.