800 manata dövlət maşını satılır

800 manata dövlət maşını satılır
SİYASƏT

25-08-2018, 13:01

Mətn ölçüsü

Bir sıra dövlət qurumlarının balanslarındakı köhnə nəqliyyat vasitələri satışa çıxarılıb.

Əmlak Məsələləri Dövlət Komitəsindən News24.az-a verilən xəbərə görə, Milli Məclis Aparatının mətbəəsi, Nəqliyyat, Rabitə və Yüksək Texnologiyalar Nazirliyinin ləğv edilmiş Şuşa Avtonəqliyyat Müəssisəsi və Baş Prokurorluğun balanslarındakı nəqliyyat vasitələri hərrac yolu ilə sentyabrın 25-də satılacaq. 

Hərracda ən ucuz avtomobil Milli Məclis Aparatının mətbəəsinə məxsusdur. Buraxılış ili 1995-ci il olan QAZ-31029 markalı avtomobil 800 manata satışa çıxarılıb. 

Nəqliyyat, Rabitə və Yüksək Texnologiyalar Nazirliyinin ləğv edilmiş Şuşa Avtonəqliyyat Müəssisəsinə məxsus, buraxılış illəri 1989-cu il olan dörd ədəd KAMAZ-55111 markalı nəqliyyat vasitəsinin satış qiyməti isə hər biri üzrə 3500 manatdır.
 
Hərracda Baş Prokurorluğa məxsus QAZ-31105-100 markalı avtomobil 2000, VAZ-21213 markalı avtomobil isə 1300 manata satılacaq.