"Mən Rəsulzadə ilə bağlı heç bir mənfi rəy bildirməmişəm" -Deputat

Milli Məclisin deputatı, Yeni Azərbaycan Partiyası Gəncə Şəhər Təşkilatının sədri Naqif Həmzəyevin AZXEBER.COM-un "Vətəndaş soruşur ki..." rubrikasının qonağı olub.
 
News24.az xəbər verir ki, deputat sosial şəbəkədə ona gələn bütün suallara cavab verib.
 
Naqif Həmzəyevə ən çox sual AXC-nin qurucusu Məhəmməd Əmin Rəsulzadə ilə bağlı olub. Oxucumuz sualı "Rəsulzadə ilə bağlı fikriniz dəyişibmi ?" olub. 

Deputat bu suala belə cavab verib: Mən Bakı Dövlət Universitetinin tarix fakultəsini bitirmişəm. Çox təəssüfər olsun ki, bizi istəməyən qüvvələr və media qurumları tərəfindən mənə qarşı informasiya terroru həyata keçirildi. Mən Məhəmməd Əmin Rəsulzadə ilə bağlı heç bir mənfi rəy bildirməmişəm və ümumiyyətlə heç bir Azərbaycanlının haqqı çatmır ki, Cümhuriyyətin yaradıcılarıyla bağlı mənfi fikir bildirsin. Əfsuslar olsun ki, sapı bizdən olan baltalar gənc kadrları sıradan çıxarmaq istəyirlər.

Deputat həmin əhvalat haqda da danışıb: Sadəcə olaraq jurnalistlərlə birlikdə yemək masasında hansısa müzakirələr gedib və mən ümuməyyətlə orda heç bir fikir səsləndirməmişəm. O fikirlər də yerdən səsləndirilib, mən heç bir təhqiramiz ifadə işlətməmişəm. Burdan da insanlara səslənirəm ki, bu sual artıq mənə ünvanlanmasın.