Mehmanın da namizədliyi qeydə alındı

Noyabrın 22-də Azərbaycanda bələdiyyə seçkilərində namizədlərin qeydə alınması üçün zəruri olan seçki sənədlərinin dairə seçki komissiyasına təqdim edilməsi üçün nəzərdə tutulan vaxt başa çatıb.
News24.az xəbər verir ki, bir müddət əvvəl seçkilərdə iştirak etmək istədiyi bildirən bloqqer Mehman Hüseynovun da namizədliyi qeydə alınıb. Bu barədə Hüseynovun özü şəxsi feysbuk hesabında paylaşım edib.
O, Qaraçuxur bələdiyyəsinə namizədliyini irəli sürüb.
Qeyd edək ki, bələdiyyə seçkiləri dekabrın 23-də keçiriləcək. Seçki Məcəlləsinə əsasən, bələdiyyələrin səlahiyyət müddəti 5 ildir.