"Azərbaycana gələn xarici vətəndaşların sayı 11,1 faiz artıb" - KƏNAN QULUZADƏ

"Azərbaycana gələn xarici vətəndaşların sayı 11,1 faiz artıb" - KƏNAN QULUZADƏ
SOSİAL

4-12-2019, 12:37

Mətn ölçüsü

Yanvar-noyabr aylarında Azərbaycana gələn xarici vətəndaşların sayı 2 milyon 900 mini keçib. 

News24.az-ın məlumatına görə, bunu Dövlət Turizm Agentliyinin mətbuat katibi Kənan Quluzadə bildirib.
Onun sözlərinə görə, bu, ötən illə müqayisədə 11,1 faiz artım deməkdir: "İlk beşlikdə ənənəvi olaraq Rusiya, Gürcüstan, Türkiyə, İran və Səudiyyə Ərəbistanı vətəndaşlarıdır. Demək olar ki, bütün bazarlarda artım davam edir. Avropa, Mərkəzi-Cənubi Asiya istiqamətindən, Yaxın Şərq bazarından müəyyən ölkələrdə azalma var. Amma ümumi mənzərədən müsbət tendensiya davam edir". Kənan Quluzadə bildirib ki, Yaxın Şərqin bəzi ölkələrində azalmanın bir neçə faktoru var: "Birincisi, həmin ölkələrdən çıxışla bağlı problem var. Yəni Azərbaycanda qəbulla bağlı problem yoxdur. Yaxın Şərq qeyri-stabil regiondur.

Məsələn, İraqdan gələnlərin sayı azalıb. Bu azalma bəzi ölkələrdə uçuşların azalması ilə bağlıdır. Ümumilikdə götürəndə həmin ölkələrdən gələn turistlərin tendensiyası belədir ki, onlar bir neçə il ərzində bir istiqamətə axışırlar. Son bazarlarını dəyişirlər. Biz, bunu nəzərə alaraq bu il daha çox yeni bazarların açılmasına üstünlük vermişdik. Azərbaycana gələn xarici vətəndaşların sayı təkcə müəyyən bazarlara köklənməsin, coğrafiyası daha geniş olsun. Buna da nail olduq. Məsələn, Hindistan, Çin, Pakistan bazarı bizim üçün yeni bazardır.

Afaq Mirayiq